Свердловск өлкәсендә Юныс Әхмәтҗановны искә алып оештырылучы Татар халык ашлары көне 28 нче февральдә үтәчәк. Моңа әзерлек эшләре хакында Татарстанның биредәге даими вәкиллегендә сөйләштеләр. Анда чараны үткәрү планы, программасы һәм кемнәр катнашуы хакында фикер алыштылар. Татар халык ашлары көне Екатеринбург шәһәрендә көндезге 10.00 сәгатьтә “Сабантуй” кафесында башлана. Адресы: Артинская урамы, 16 нчы йорт.
