Бүген, 30 сентябрь көнне, Сухум шәһәренең Чанба С.Я. исемендәге Абхазия дәүләт драма театры каршындагы мәйданда Абхазия Республикасының Җиңү һәм бәйсезлек көненә багышланган зур бәйрәм концерты булды. Әлеге чарада Татарстан Республикасы премьер-министры урынбасары, Бөтендөнья татар конгрессы Милли Шура рәисе Васил Шәйхразыев та катнашты. Тамашачылар алдында дәүләт иҗат коллективлары, шулай ук абхаз эстрадасының танылган артистлары чыгыш ясады. Концерт программасына милли җырлар, биюләр һәм патриотик әсәрләр кертелгән иде.
.
