Ләкин кайчак алар, вакыт таба алмыйча, гадәти матбугаттан да, интернеттан да мөһим һәм кызыклы вакыйгалар турында хәбәр алмый кала. Бу очракта матбугат күзәтү дә ярдәм итә ала.

«Татарлар элемтәдә» дип исемләнгән рубрикабызда дөнья буйлап сибелгән милләттәшләребезнең видеомөрәҗәгатьләре, сәламнәре урнаштырыла. Әлеге акциядә һәркем катнаша ала. Әгәр дә СИН татар халкының күренекле вәкиле, татар яшьләре оешмасы активисты, татар милли автономиясе әгъзасы яки милләтең белән горурланучы ТАТАР һәм Синең әйтер сүзең бар икән – безнең мәйдан Синең өчен! Биредә Син үзеңне күрсәтә һәм Җир шарындагы милләттәшләргә мөрәҗәгать итә аласың! Моның ...

Эшмәкәрлек белән шөгыльләнүдән тыш, мин хәйриячелеккә, иҗтимагый эшчәнлеккә, татар телен һәм мәдәниятен, гореф-гадәтләрен саклау, өйрәнү һәм үстерүгә юнәлдерелгән проектларны тормышка ашыруга зур игътибар бирәм. Татарстаннан, Әстерханнан, хәтта Россиядән дә читтә татар мәдәниятен, тарихын, телен өйрәнүгә кызыксынуны арттыру максатыннан компания тарафыннан 2016 елда сатып алынган сухогрузларны татар шагыйрьләре – Габдулла Тукай һәм Муса Җәлил исемнәре белән атадык, - дип сөйләде Ринат Әюпов.

«Дөнья» студиясенең «Очрашу урыны — Казан» тапшыруы кунагы — Кыргызстандагы татар оешмасы җитәкчесе Гөлсинә Хәйдәр кызы Улмәскулова.

«Конгресс мөнбәре» тапшыруында “Ак калфак” татар хатын-кызлары республика иҗтимагый оешмасы җитәкчесе Идрисова Кадрия Раес кызы Оренбург җирлегендәге татар хатын-кызлары «Ак калфак» иҗтимагый оешмасының 3 корылтае турында сөйләде.

Бөтендөнья татар конгрессы студиясендә Садри Максудиның оныгы, Бөтендөнья татар лигасы рәисе, профессор Генюль Пултар булып китте.

Төркиянең Анталья шәһәрендә яшәүче татарлар «Туган тел» дип аталган проект башлап җибәрде. Проектның максаты дөньяга сибелгән татарларны татарча онлайн аралаштырып, очраштырып тору. Әлеге очрашулар һәр шимбәдә 11 сәгатьтә үтә. Узган шимбәдә проектта Россиянең атказанган, Татарстанның халык артисты Айдар Фәйзрахманов җитәкчелегендәге фольклор музыкасы ансамбле катнашты. Ансамбль чыгышын Төркиянең Анталья һәм Кыргызстанның Бишкәк каласында яшәүче татарлар күрә алды.

2018 елда “Идел” журналының дөнья күрүенә 30 ел тулуын искә алып, бу ике телле басманың укучылар мохитен киңәйтү бурычы куела. Төрле һәм мөстәкыйль фикерле шәхесләр иҗаты канатларында күтәрелгән “Идел” журналы киләчәктә дә яшь укучыларны җәлеп итәргә җыена.

Башкортстан Республикасының «Чакматаш» акционерлык җәмгыяте генераль директоры Ирек Бакиров үз чыгышында телебезне, милләтебезне саклау мәсьәләләренә тукталды. Татарстан белән Башкортстан арасында татулык-дуслык мөнәсәбәтләре саклануының әһәмиятен ассызыклады.