9 октябрь көнне Татарстанның Балтач районында “Шәҗәрә – безнең тамырлар” дигән чара оештырылды.
Бөтендөнья татар конгрессы каршында эшләп килгән “Ак калфак” Бөтендөнья татар хатын-кызлары иҗтимагый оешмасы Балтачта зур бәйрәм оештырды. “Шәҗәрә – безнең тамырлар”ның нәкъ менә Балтач җирлегендә беренче тапкыр узуы очраклы түгел. Филология фәннәре кандидаты, Бөтендөнья татар хатын-кызлары форумы бюросы җитәкчесе, “Ак калфак” иҗтимагый оешмасы рәисе Кадрия ханым Идрисова белдергәнчә, биредә үз нәселе, үз тарихы белән тирәнтен кызыксынучылар гомер итә.