Бер атна буена: октябрьнең 18 нән 25 енә кадәр — Татарстанда Үзбәкстаннан татар башкаручылары кунак булачак. Кунак күчтәнәч белән килә. Җылы үзбәк илендә гомер кичерүче милләттәшләребез әби-бабаларының туган туфрагына җырлы-биюле бүләкләрен алып киләләр. 19  октябрьдә — Әтнәдә Үзбәкстан кунакларының концерты узды. Үзбәкстаннан килгән делегация өчен бай мәдәни программа төзелгән. Кунаклар Әтнәдәге Сибгат Хәким музеенда да булдылар.