Сарытау өлкәсенең   атаклы атом электростанциясе белән билгеле Балаково шәһәрендә яшәүче татарларның милли тормышы турында хәбәрләр сирәк килә. Әмма мондагы  зыялылар, төрле һөнәр вәкилләре татар мәдәнияты, гореф- гадәтләре белән кызыксыналар. Быел анда “Росатом” оешмасының грантын яулап, милли сабантуе үткәргәннәр. 20 елдан артык Балаково татарларының җирле  милли-мәдәни мохтариатын һәм татар-башкорт мәдәният үзәген җитәкләүче   Гүзәл Инсапова  “Дөнья” студиясендә кунакта булды.