Казанда Бөтендөнья татар конгрессының VIII съездының пленар утырышы узды. Биредә күренекле милләттәшләребез чыгыш ясады. Казахстан татарлары һәм башкортлары конгрессы рәисе урынбасары Гриф Хәйруллин милләттәшләребезгә мөрәҗәгать итте.

-Без, читтәге татарлар, Татарстан Республиксын, аның җитәкчелеген, Бөтендөнья татар конгрессын үзебез өчен терәк итеп күрәбез. Бөтендөнья татар конгрессы дөньяның төрле почмакларында яшәүче милләттәшләребезне берләштерү өстендә эшли, төрле чаралар, форумнар уздыра. Без бу чараларда актив катнашыга тиешбез, – дип ассызыклады ул.