30нчы августта, Татарстан көнендә, Останкино телеманарасы республика флагы төсләренә керәчәк. Телеманара экраннарына ТР символы сурәте һәм котлау чыгарылачак.
Акция 10.00-дән 22.00-гә кадәр узачак, дип хәбәр итә Татарстанның РФ буенча вәкаләтле вәкиллеге матбугат хезмәте.
Останкино телеманарасы – Европада һәм Россиядә иң югары корылма, шулай ук ил телевидениесе символы, гомуммилли бренд һәм Мәскәүнең иң танылган объектларының берсе.
