ремьера көннәре: 21.11.2024 – 19:00 сәгатьтә

                                 22.11.2024 – 19:00 сәгатьтә

                                 23.11.2024 – 18:00 сәгатьтә

А.Гыйләҗев исемендәге Чаллы татар дәүләт драма театры  «Сөясеңме, сөймисеңме?» дип исемләнгән премьерага әзерләнә. Аның жанры моңсу комедия дип билгеләнде.

Пьесаның авторы Флорид Бүләков, куючы режиссер – Аяз Гыйләҗев исемендәге Чаллы татар дәүләт драма театры артисты  Зөлфия Галиуллина.

Сюжет үзәгендә – үз гомерләренең азагында гына “мәхәббәт” сүзенең чын мәгънәсен аңлаган геройлар.

Спектакльдә дүрт актер катнаша: ТРның халык артисты Рафик Каюмов – Гомәр ролен башкара, ТРның атказанган артисты Энҗе Шиһапова – Вәсилә ролендә, Вәсиләнең яшь чагын Физәлия Габидуллина уйный, ә Гомәрнең яшь чагын Алабуга мәдәният-сәнгать көллияте студенты Эмиль Гыйбадуллин башкара.

Төрле театр коллективлары тарафыннан күп тапкырлар тәкъдим ителгән бу спектакль режиссер Зөлфия Галиуллинаның уникаль күзаллавы аркасында яңа сулыш ала. Аның интерпретациясе тамашачыга яңа хисләр бүләк итәр.

Аяз Гыйләҗев ис. Чаллы татар дәүләт драма театры.

Адрес: Яр Чаллы, Низаметдинов урамы, 29.

Барлык мәгълүмат сайтта chelnyteatr.tatar

Чыганак: mincult.tatarstan.ru