Казанның «Ак Барс» хоккей клубы Instagram социаль челтәрендә @hcakbars_tat битен алып бара башлады.
Бу аккаунтта беренче язма 2019 елның 7 августында ук урнаштырылган иде. Акрынлап команданың матбугат хезмәте әлеге битне активрак үстерә башлады.
Биредә «Ак Барс»ның актуаль яңалыклары, уеннар турында хисаплар һәм татар телендә башка мәгълүмат басыла. Тәкъдим ителгән контент клубның рус телле бите – @hcakbars эчтәлегенә тулысынча туры килми.
