15-16 октябрь көннәрендә Әлмәт районында Бөтендөнья татар конгрессы региональ «Ак калфак» татар хатын-кызлары иҗтимагый оешмасының «Хатын-кыз – тормыш чишмәсе» исеме астында күчмә утырышы уза. Чарада Татарстан Республикасының 21 районнарыннан, Россия Федерациясенең 8 төбәгеннән, 1 чит илдән 100 хатын-кыз катнаша.
Бүген чаралар Әлмәт районы Габдрахман авылында башланды. Биредә авыл тарихы белән катнашучыларны Габдрахман авыл җирлеге Башкарма комитетының башлыгы Мифтахов Ренат Гамир улы таныштырды.
Иң беренче тукталыш – Габдрахман авылының заманча төзекләндерелгән спорт комплексы булды. Катнашучылар бассейн, футбол, волейбол залларын карап уздылар. Сәяхәтне авылның мәктәбе һәм укытучылар аллеясында, Нури бабай чишмәсе, музей комплексында дәвам иттеләр.
