Аксубай мәдәният йортында республикакүләм “Әйдә шаярт!” татарча КВНың сайлап алу этабы узды. Конкурста иң шаян һәм тапкырлар укучылар катнашты.
“Көлке”, “Биш фикер” һәм “Гүзәлләр” командалары үз ара ярышты.

Өч көн дәвамында Татарстан республикасы шаяннар һәм тапкырлар клубының Радик Ганеев һәм Гафур Ибрагимов укучыларны бик әйбәт итеп эзерләгәннән соң, “Гүзәлләр” командасы гран-прига , “Биш фикер”, беренче урынга һәм “Көлке” 2 урынга лаек булдылар.

Татар конгрессына, Шаяннар һәм тапкырлар клубына олы рәхмәтләребезне белдерәбез.Телебезне үстерүдә, саклауга бик кирәкле чара, дәвамлы булсын.
Конкурс Татарстан республикасы Рәисе каршында телләр саклау һәм үстерү комиссиясе, Бөтендөнья татар конгрессы һәм ТР Шаяннар һәм тапкырлар клубы катнашында оештырылган.