12 гыйнвар көнне Актаныштан махсус хәрби операция зонасына гуманитар ярдәм белән йөк автомобиле юлга чыкты. Алгы сызыкта булган якташлар үтенече буенча волонтерлар «Юпитер», «Планета», «Днепр» мотоциклларын һәм «УАЗ»- буханка автомобилен юнәттеләр.

«УАЗ» автомобилен «Без бергә» рәсми төркеме волонтерлары җирле халыктан җыелган акчага сатып алдылар. Автомобильне Илнур Локманов ремонтлаган, ул бу мөһим эшкә үз көчен һәм вакытын салган.

Актаныш районы башлыгы Ленар Зарипов әлеге гуманитар ярдәмне оештыруда катнашучыларга рәхмәт белдерде. Йөкне автомобиль арбасына төяргә солдат язмышына битараф калмаган бик күп актив гражданнар килгән иде. Гуманитар йөкне озата баручыларга, машина йөртүчеләргә хәерле юллар телибез.

Чыганак: aktanysh-rt.ru