26нчы апрель көнне, бөек Тукаебызның 139 яшен, Алабугада гөрләтеп бәйрәм иттек. Тукай һәйкәле янында иртәдән үк татар җыры, татар моңы яңгырады.
Туган телдә шигырь сөйләүчеләр, конкурсның барлык этапларын үтеп, һәйкәл янына җыелдылар. Көтеп алынган бәйрәм күңелләргә җылы хисләр салып, гөрләп узды. Бәйрәмгә килгән халыкны БТКның Алабуга муниципаль районы җитәкчесе Әхмәтова Рәмилә Зөфәр кызы да котлады, изге теләкләрен җиткерде.