10нчы апрель көнне Алабуга шәһәрененең ,,Иллюзион” кинотеатры бинасында танылган яшь җырчы Сәидә Мөхәммәтҗанова белән очрашу узды. Чарага килгән укытучылар, укучылар, студентлар Зөлфәт Хәкимнең ,,Телсез күке” фильмын карады. Фильмның төп герое Сәидә Мөхәммәтҗанова тамашачылар тарафыннан яудырылган сорауларга бик теләп тулы җаваплар бирде. Соңыннан искиткеч моңлы тавышы һәм матур җырлары белән куандырды. Чарада Бөтендөнья татар конгрессының Алабуга бүлеге җитәкчесе  Рәмилә Әхмәтова да катнашты.