Алтай краеннан Флора Зиннатуллина “Милләт җыены”нда катнашу өчен Казанга килде. Ул үз эшчәнлекләре һәм Татарстан белән бәйләнешләре турында сөйләде.
— Безнең “Дулкын” татар мәдәният үзәге инде 25 ел эшләп килә. Быел безнең юбилей елы. Татарстанның ярдәмен һәрвакыт тоябыз: китаплар белән тәэмин итәләр, артистлар җибәрәләр, вәкилләр киләләр. Алтай краенда татарлар күп түгел, ләкин без бергә. Бөтендөнья татар конгрессы оештырган форумнарда еш катнашабыз. Татарстан — безнең өчен өй, — диде ул.
Флора Зиннатуллина татар халкына сәламәтлек һәм иминлек теләде.
