“Анталия татарлары” иҗтимагый оешмасы активистлары Литва татарлары лидеры белән очрашкан. Бу хакта Анталия татарларының социаль челтәрдәге төркемендә хәбәр ителә.

“Очрашу барышында уртак чаралар уздыру мәсьәләсе хакында фикер алыштык. Шулай ук Татарстаннан читтә татар телен укыту мәсьәләсен дә күтәрдек”, – диелә хәбәрдә.

Узган елның сентябрь аенда Анталия татарлары берләшмәсендә Төмән өлкәсе һәм Казахстанның Петропавловск шәһәре татарлары да кунак булган иде.