Казахстанның Астана шәһәрендә “Татар кызы-2018” бәйгесенә катнашучыларны сайлап алу туры узган. Бәйге быел Казахстан халыклары Ассамблеясы оешуга 20 ел тулуга багышлана, дип хәбәр итә “Таң” татар-башкорт мәдәни үзәге.
Конкурста 16-25 яшьлек туташлар катнаша ала.
Бәйге татар халык гореф-гадәтләре, йолаларын торгызу, телне саклау һәм үстерү, милли мирасны яшь буынга тапшыру максаты белән оештырыла.
Астана “Татар кызы” бәйгесендә җиңүче, көз айларында Казанда узачак Халыкара конкурста катнашып, шәһәр данын яклачак.
