Подкаст өчен “Азан” радиосы эфирында чыккан иң кызыклы тапшырулар сайлап алына.
Рубрикаларда ислам белән бәйле төрле темалар карала. Хокук мәсьәләләре, намаз дәресләре, догалар, мәчетләр тарихы, күренекле мөселманнарның биографияләре, әхлакый тәрбия һәм башкалар. Мисал өчен, тыңлаучылар татар мәчете архитектурасы турында подкастның беренче эпизодын зур кызыксыну белән кабул итте.
Шулай итеп, хәзер “Азан” радиосын туры эфирда тыңлаудан тыш, күңелегезгә хуш килгән аерым сәхифәләрне “Азан” радиосы сайтының “Тапшырулар” битендә һәм azan.fm подкастлары* аша тыңларга мөмкин.
Хәзерге вакытта azan.fm подкастлары түбәндәге платформаларда чыга:
Вконтакте: https://vk.com/podcasts-66011159
Apple Podcasts: https://podcasts.apple.com/ru/podcast/azan-fm/id1497725966
Яндекс.Музыка: https://music.yandex.ru/album/9921209
SoundCloud: https://soundcloud.com/user-151685480
“Азан” радиосы – татар һәм рус телләрендә тәүлек буе эшләүче мөселман онлайн-радиостанциясе. Ул ТР мөселманнары Диния нәзарәтенең “Хозур” нәшрият йорты медиаресурслары структурасына керә.
