Бөтендөнья татар конгрессының 2025 елга әзерләнгән эш планы нигезендә, Балтач районы Бөтендөнья татар конгрессы идарәсе вәкилләре белән очрашу һәм атналык радиотапшырулар әзерләү максатыннан, агымдагы елның 14 гыйнварендә Бөтендөнья татар конгрессы Башкарма комитеты җитәкчесе урынбасары — Татарстандагы бүлекчәләр белән эшләү комитеты җитәкчесе Шәрипов Ирек Илдус улы Татарстан Республикасы Балтач муниципаль районына эш сәфәре белән барды.

Сәфәр барышында Татарстан Республикасы Балтач муниципаль районы башлыгы
Нотфуллин Рамил Рәшит улы белән очрашу узды. Шулай ук имам-мөхтәсиб Җәлил хәзрәт Фазлыев, «Балтач районы башкарма комитетының район мәгариф бүлеге» башлыгы Мөхәрләмов Ренат Камил улы, Бөтендөнья татар конгрессының Балтач районы бүлеге җитәкчесе Закиев Вакыйф Мансур улы һ.б. милли хәрәкәт вәкилләре белән эшлекле очрашулар оештырылды.