2025 елның 16 октябрь көнендә Балтач үзәк китапханәсендә Ак калфак татар хатын-кызлары иҗтимагый оешмасының җыелышы үтте. 2025 елга куелган бурычларның үтәлеше, яңа елга планнар каралды. Утырышны Балтач районы башкарма комитеты җитәкчесе урынбасары Галимуллин Илшат Солтан улы ачып җиберде. Ул оешманың эшчәнлегенә югары бәя биреп, яңадан-яңа уңышлар теләде. Оешма җитәкчесе Зөлфирә Камалова, совет әгъзаләре Мәгмүрә Хөрмәтуллина, Наилә Сабирҗанова, Гөлсем Миңнебаева һәм Субаш авылы җирлеге оешма җитәкчесе Раифә Газизованың чыгышлары тыңланды.