Балык Бистәсе районы Яңа Арыш авылы китапханәсендә “Татарча диктант” акциясе узды. Быел ул унынчы мәртәбә үткәрелә.
Әлеге акция татар телендә хатасыз язарга өйрәтү, әдәби татар телен кулланучыларның даирәсен арттыру, орфографик һәм грамматик хаталарны тикшерү максатыннан үткәрелеп килә.
Чарада әдәбият сөюче дусларыбыз, мәчетебездә дини гыйлем бирүче мөгаллимәләребез, авылдашларыбыз катнашты.
Акциядә катнашучылар өчен Каюм Насыйриның «Кабуснамә» хикәятләр тәрҗемәсеннән өзек тәкъдим ителде.
Текстны Татарстан Республикасы журналистлар берлеге әгъзасы, китапханәче, Балык Бистәсе муниципаль районы Бөтендөнья татар конгрессы җирле оешмасы әгъзасы, Кадыйр Сибгатуллин исемендәге премия иясе Рәзилә Мөхәммәтрәхимова укыды