Башкорстанның Илеш районында М12 юлында татарлар арасында бердәнбер ике тапкыр Советлар Союзы каһарманы Муса Гәрәевка һәйкәл ачылды. Мемориаль комплекс урыны каһарманның туган авылыннан 5 чакрым ераклыкта урнашкан.

Тантанада республика башлыгы Радий Хәбиров, каһарманның улы, шулай ук Бөтендөнья татар конгрессының Башкортстандагы вәкиле Альфред Дәүләтшин да катнашты. Әлеге комплекс очучы-штурмовикка хөрмәт һәм Илеш районы мәдәни мирасының мөһим бер өлеше дә.