8-че ноябрьдә Башкортостан республикасының Салауат шәһәрендә мәктәп балалары һәм педколледж студентлары белән Бөтендөнья “Җәлил укулары” конкурсының беренче этабы үткәрелде.
Бу чара ике өлештән торды – беренче өлешендә балаларның чыгышлары булса, икенче өлешендә ” Ак калфак”иҗтимагый оешмасының әгзалары – шигырь укучылар һәм шагыйрәләр үзләренең осталыкларын күрсәтте.
“Йолдызлар ” ансамбле шагыйрьнең сүзләренә язылган җырларын ишеттереп куандырдылар. Чара бик әһәмиятле булды, дип хәбәр итә “Ак калфак” оешмасы.
