Кичә, 26 октябрь көнне Удмуртия Республикасы Ижевск шәһәре Халыклар дуслыгы йортында Удмуртиянең йөзек кашы булган ике коллективның юбилей кичәләре узды: “Бәхет” ансамбленә – 25, “Чулпан” театрына – 15 яшь.

Бәйрәмдә Удмуртиянең иҗат коллективлары гына түгел, Казаннан атаклы гармунчылар ансамбле, Пермь крае “Барда гүзәлләре” ансамбле дә катнашты.

Килгән кунакларны Бөтендөнья татар конгрессы исеменнән спорт программаларын гамәлгә кую бүлеге җитәкчесе Вәлиәхмәтов Зөфәр Мөнир улы котлау сүзләрен юллады һәм БТК махсус бүләген тапшырды.

Фотолар: https://vk.com/yanaryshudm?z=album-24245100_308973292