Бүген, 26 август көнне, Казан шәһәрендә “Милләт Җыены” чарасы башлана. Бу чара Татарстан башкаласына бөтен дөнья буйлап сибелеп яшәүче татарларның 1 меңгә якын күренекле вәкилен җыя. Делегатлар инде Казанга килә башлады, алар арасында Белоруссия делегациясе дә бар.

Быел “Милләт Җыены” яңа, киңрәк форматта оештырыла. Чара кысаларында берьюлы өч зур форум узачак: VII Бөтендөнья татар хатын-кызлары форумы, IX Бөтендөнья татар яшьләре форумы, һәм Бөтенроссия татар туган якны өйрәнүчеләр җыены.

“Милләт Җыены” – татар халкының бүгенгесе һәм киләчәге өчен стратегик әһәмияткә ия мәйдан. Биредә төрле илләрдән, төбәкләрдән килгән татар вәкилләре тәҗрибә уртаклаша, уртак проектлар планлаштыра, милләтебезнең үсеш юлларын бергәләп билгели.