Балтач районы «Ак калфак» татар хатын-кызлары милли ризыкларны пропагандалау буенча бик актив. Алар үзләре белгәнне башкаларга да, бигрәк тә яшьләргә өйрәтә. Шул максат белән ханымнар райондагы “Каенлык” кафесына җыелып, мастер-класс күрсәтте.

Татар халкының инде онытылып барган борынгы чумар ашын пешерү серләренә дә өйрәттеләр. Татарлар гына түгел, хәзер инде башка милләт кешеләре дә яратып ашый торган – кыстыбый, борай ярмасыннан, кабактан вак бәлешләр ясау буенча мастер-класслар узды.