Татарстан Республикасы Дәүләт Советы депутаты, Бөтендөнья татар конгрессы Милли Шура рәисенең беренче урынбасары, Бөтендөнья татар конгрессы Башкарма комитеты җитәкчесе Данис Шакиров эш сәфәре белән Чувашстан Республикасында.
Биредә ул Шыгырдан урта мәктәбендә оештырылган лекторийда катнашты. Ул “Чувашиядә авыл мәктәбенең укыту-тәрбия процессында традицион Россия рухи-әхлакый кыйммәтләрен саклау һәм ныгыту проблемалары» темасына багышланды.
Чарада Чуваш Республикасы мөселманнары Диния нәзарәте үзәк дини оешмасының эшчәнлегенә йомгак та ясалды. Быел әлеге оешма тарафыннан бик күп тематик чаралар үткәрелгән. Анда өлкәннәр һәм балалар катнашкан. Шулай ук җәмгыятьтә динара һәм милләтара тынычлыкны һәм татулыкны ныгытуга, Россия белән Чувашиянең мөселман өммәтен берләштерүгә ярдәм итүче чаралар уздырылуы хакында әйтелде.
Тантаналы чарага Чуваш Республикасы хакимияте органнары вәкилләре, Чувашстан мөселманнары Диния нәзарәте мәхәлләләре рәисләре һәм имам-хатыйблары, мәгариф һәм тәрбия учреждениеләре директорлары, иҗтимагый оешмалар һәм волонтерлык хәрәкәтләре вәкилләре чакырылган иде.
“Гөлистан” мәдрәсәсен тәмамлаучыларга дипломнар да тапшырылды. 2025-2026 уку елында уку йортын “имам-хатыйб, ислам нигезләре укытучысы” белгечлеге буенча дипломнар алган 18 кеше уңышлы тәмамлаган. Мәдрәсә җитәкчеләре һәм мөгаллимнәре чыгарылыш сыйныф укучыларының җәмгыятькә һәм рухи мәгарифкә хезмәт итүләрен дәвам итәчәкләренә ышаныч белдерделәр.
