«Татар халкының милли үзенчәлеген саклау (2020-2025 еллар)» Татарстан Республикасы дәүләт программасын тормышка ашыру кысаларында Бөтендөнья татар конгрессы Балык Бистәсенең Ямаш мәдәният йортының «Чишмә» балалар фольклор коллективына костюмнар тектереп бирде.

Бүген костюмнарны Бөтендөнья татар конгрессы бинасында бүләк иттеләр. «Чишмә» балалар фольклор коллективы җитәкчесе Исламия Сафина һәм Бөтендөнья татар конгрессының Балык Бистәсе районы җирле бүлеге җитәкчесе Илвера Касыймова зур рәхмәтләрен җиткерделәр.