Бу минутларда Бөтендөнья татар конгрессы бинасында Татарстан Республикасы Премьер-министры урынбасары, Бөтендөнья татар конгрессының Милли Шура рәисе В.Г. Шәйхразыевның Россотрудничество җитәкчесе Е.А.Примаков белән эшлекле очрашуы уза.
Мөхтәрәм кунакны татар гореф-гадәтләре буенча каршы алдылар: милли киемнәргә киенгән кызлар Россотрудничество җитәкчесен чәкчәк белән сыйлады.
Исегезгә төшерәбез, биредә ул чит илләрдәге татар иҗтимагый берләшмәләре вәкилләре белән дә очрашачак. Чара «Zoom» платформасы аша узачак.
Онлайн-конференциянең модераторы — Татарстан Республикасы Премьер-министры урынбасары, Бөтендөнья татар конгрессының Милли Шура рәисе В.Г. Шәйхразыев.
