Бүген Бөтендөнья татар яшьләре форумы рәисе Райнур Хәсәнов ТНВ телеканалының «Здравствуйте» тапшыруында кунакта булып кайтты. Ул тамашачыларга агымдагы елның август аенда узачак Бөтендөнья татар яшьләре форумы турында сөйләде.

Форумда дөньяның төрле төбәкләреннән, шул исәптән чит илләрдән дә татар яшьләре катнашачак. Тапшыруда форум кысаларында нинди мәсьәләләр күтәреләчәге, нинди чаралар узачагы турында да сүз барды. Райнур Хәсәнов сүзләренчә, кунакларны милли рух, мәдәни программа, очрашулар һәм яңа проектлар көтә.

Форум – татар яшьләрен берләштерә торган зур вакыйга, телне, мәдәниятне саклау һәм үстерү юлында фикер алышу мәйданы булып тора.