Буа районы, Иске Суыксу авылында яшәүче Равил Шәрәфетдинов 12 буын шәҗәрәсен төзегән.
Ул әнисе ягыннан бабасы Сабирҗан иске кәгазьгә теркәп калдырган 1610 елдан башлап 1960 елларга кадәрге мәгълүматны файдаланган. Калган буыннар хакында белер өчен Равил абый үзе дә авыл җирлеге архивында сакланып калган хуҗалык китапларын актарган, архивларда утырган. Хәзер аңарда шәҗәрәнең кәгазьдәге һәм электрон версиядәгесе дә бар.
