Рифат Каюмов авторлыгында “Әхмәр бине Юныс әл Толымбаи” дигән татар телендә китап басылып чыкты. Архивчы, җәмәгать эшлеклесе моннан берничә ел элек туган ягы турында эзләнүләр алып баруы турында хәбәр иткән иде.
Китап битләрендә XVI – XVIII гасырларда Тау ягы тарихы, халыкның тормыш-көнкүреше, галим, дин әһеле Әхмәр хәзрәт Юныс әл-Толымбаи эшчәнлеге, һәм авторның кече ватаны Адав – Толымбай авылында дин торышы турында язылган. Рифат Каюмов китапның Адав-Толымбай авылы халкына таратылуын хәбәр итә.
