Бүген 2014 елның 26 июнендә Муса Җәлил исемендәге Татар академия дәүләт опера һәм балет театрының Резеда Ахиярованың “Алтын Урда” балетын Европаның “Mezzo” телеканалында  туры трансляциядә карап булачак. Спектакльне кырыклап илдә 150 миллион кеше караячак дип көтелә. Трансляция Европа вакыты белән 16.00 башланачак.

Казаннан live форматындагы трансляцияне “Telmondis” француз компаниясе алып барачак. Ул театр һәм концерт тамашаларын күрсәтүгә әзерләүче эре компанияләрдән санала.