Бөтендөнья татар конгрессы 24 ноябрьдә узачак «Әниләр көне» уңаеннан «Әниемнең җылы кочагы» дип исемләнгән конкурс игълан итте. Конкурсның максаты – әниләргә хөрмәт тәрбияләү, әниләр хакындагы шигырьләрне популярлаштыру, барлау.
Бәйге 1 ноябрьдә башланды. Бүген, 20 ноябрь, бәйге эшләрен кабул итүнең соңгы көне. Төнге сәгать 12 дән соң юлланган видеолар жюри әгъзалары тарафыннан каралмаячак. Нәтиҗәләр 24 ноябрьдә ясала.
