Бүген, 20 августта, Бүздәктә “Бәлешфест-2022” милли кухня фестивале узды. Президент Грантлары Фонды ярдәме белән оештырылган әлеге фестиваль Башкорт мәдәнияте һәм рухи мирасы елы кысаларында узды.
Чарада татар, башкорт, рус, чуваш, мари, мордва, удмурт халыкларының милли ризыклары һәм бәйрәмнең төп символы булган бәлеш тәкъдим ителде. Фестиваль мәйданчыкларында аш-су пешерү буенча осталык дәресләре, ризыклар парады һәм бәлеш пешерүчеләр арасында конкурс узды.
