lichess.org сайтында Яр Чаллы һәм Сан-Луис шәһәрләренең (Аргентина) хатын-кызлар командалары арасында шахмат матчы узды.
Чаллы данын «Этюд» спорт мәктәбендә тәрбияләнүчеләр яклады, Аргентина җыелма командасы «Ла Пунта» университеты тарафыннан формалаштырылды. Аргентина командасын гроссмейстер Клаудия Амура, Чаллыны иң титуллы шахматчы – ФИДЕ мастеры Зәринә Шәфигуллина җитәкләде.
Бер сәгатьлек уен Чаллы командасының җиңүе белән тәмамланды, матч нәтиҗәсе 149га 92.
