Чиләбе өлкәсе татар конгрессы “Татар кызы 2017. Нәни энҗеләр” бәйгесендә катнашырга чакыра. Конкурсның нигезләмәсе буенча, бәйгедә 7-9 яшьлек татар кызлары катнаша ала. Анкеталарны 26 августка кадәр Чиләбе өлкәсе татар конгрессына юлларга кирәк.

Бәйге үзе биш этаптан торачак. “Нәни энҗеләр”не кул эшләрен белүдә, аш-суга осталыкта, спорт ягыннан, белемлелек ягыннан тикшереп караячаклар. Театраль конкурс та каралган.

Бәйгенең җиңүчесен декабрь аенда ачыклаячаклар.

Конкурсның нигезләмәсе белән түбәндәге сылтама аша таныша аласыз.