10 март көнне Нократ Аланы хакимияте каршындагы мәйданнан махсус хәрби операцияга баручы Курск өлкәсенә хәрбиләр өчен өч УАЗ машинасы җибәрелде.
Киров өлкәсе Кануннар чыгару җыелышы депутаты, ҖЧҖ”Молот-Оружие” генераль директоры, “Киров өлкәсе татарлары конгрессы” өлкә иҗтимагый оешма рәисе Равил Рамил улы Нургалеев февральдә Курсктагы хәрбиләребез янына чираттагы гуманитар ярдәмне алып барган иде. Аңа операция барышында өч УАЗ машинасы кирәклеге турында җиткерделәр. Һәм март уртасында мондый төр транспорт хәрбиләребезгә ярдәмгә килеп җитәчәк.
Махсус хәрби операция башлану белән Равил әфәнде Нургалеев тарафыннан «Киров өлкәсе татарлары конгрессы» үз счётын махсус билгеләмә белән гуманитар ярдәм күрсәтү өчен ачу турында күрсәтмә булды. Беренче булып ул үзе бик зур күләмдә акча күчерде, аңа башкалар кушылды. Бүгенге көнгә барлыгы 19 миллион сумнан артык күләмдә гуманитар ярдәм хәрбиләргә барып җитте инде.
Шәмсия Хәлимова,
“Киров өлкәсе татарлары конгрессы”
өлкә иҗтимагый оешма рәисе урынбасары.