Чирмешән районында быелгы “Татарча диктант” акциясе аеруча югары дәрәҗәдә оештырылды. Диктант районның барлык мәктәпләрендә һәм үзәк китапханәсендә үтте, катнашучылар саны елдан-ел арта бара.

Чараны татар теле укытучылары һәм китапханәчеләр бердәм команда булып оештырды. Алар аудиторияләрне әзерләүдән башлап, текстларны уку һәм эшләрне җыюга кадәр барлык этапларны төгәл һәм төзек итеп башкарды. Оештыручыларның активлыгы һәм бердәм эшчәнлеге нәтиҗәсендә диктант тыныч, эшлекле мохиттә үтте.

Чара уңышлы узуы “Татарча диктант”ның елдан-ел киңәюен һәм татар теленә булган игътибарның артуын тагын бер кат исбатлады.