Чутайлылар СВОдагы егетләр өчен әзерләнгән коры ашларны Балтач волонтерларына тапшырган. 20сендә алар юлга әзерләнә. Барысы 2800 порция аш, ботка әзерләнгән.
«Боларнын һәрберсенә чиста ит (маен кертмичә) пешереп киптерергә кирәк. Кипкәч, 50 кг иттән 7 кило тирәсе ит кала. Итләр, тутыру өчен упаковка пакетлары, үзебездә булмаган кипкән яшелчәләр алу өчен шактый гына акча кирәк була. Кадерле дусларым, әйдәгез әз генә булса да акчалата ярдәм итик. Шушы изге корбан гаете көннәрендә үз өлешебезне сәдакәләрдән ташырыйк», дип мөрәҗәгать итә Чутай авылыннан актив хәбәрчебез Гөлзифа Нәҗипова.
Егетләребезгә бу ашлар бик ошый. Йорт токмач ашын ашагач, коръән ашында утырган кебек хис иттек, дип хәбәр җибәрделәр. СВОдагы егетләребезгә бик авыр. Шушындый эссе көннәрдә 20 кг.лы хәрби киемнәрдән, пуля яңгыры астында, эчәргә суга, ашарга тилмереп хезмәт итүчеләребезне Аллаһ ярдәменнән ташламасын.
Чыганак: baltaci.ru
