Кукмара егете, Сабир Өметбаев исемендәге Минзәлә театры режиссеры Дамир Самерханов Дагыстан Республикасының Дербент шәһәрендәге Дәүләт театрларының берсендә эшләп кайтты.
“Мин анда Туфан Миңнуллинның “Әлдермештән Әлмәндәр” спектаклен сәхнәгә куйдым, – ди Дамир. – Әсәрдә үзгәрешләр күп булды. Анда яшәүче халыкның мәдәниятенә яраклашырга туры килде. Спектакльнең ахырын да башкача төгәлләдем. Әлмәндәрне исән-имин, гаиләсе янында калдырып, аңа тагын йөз ел гомер бүләк иттек. Соңгы мизгелдә Әҗәл Әлмәндәргә: “Син яшәргә тиеш!” – дип әйтә һәм кәгазьне ертып ташлый. Спектакль табасараннарның милли җыры белән төгәлләнә.”
Спектакльнең премьерасы сентябрь аенда булачак.
Алсу Сәләхетдинова
