Бүген, 17 ноябрьдә Ханты-Мансийск шәһәрендә “Чит илләрдә яшәүче милләттәшләр белән мәдәни, фәнни һәм мәгариф өлкәсендә элемтәләрне үстерү. Россиянең рухи һәм мәдәни мохитен саклауга ярдәм итү” Халыкара конференция башланып китте. Фәнни җыелышның рәсми ачылышы онлайн һәм офлайн форматта үтте. Чарада Ханты-Манси автономияле округы Губернаторы Наталья Комарова да катнашты.

Конференциядә катнашучыларны сәламләп, Бөтендөнья татар конгрессы Башкарма комитеты җитәкчесе Данис Шакиров милли оешма эшчәнлеге турында бәян итте. Аерым алганда, ул ватандашлар белән эшләү тәҗрибәсе белән уртаклашты. Иртәгә җитәкче бер дискуссион мәйданчыкның модераторы да булачак.