Бөтендөнья татар конгрессы Башкарма комитеты җитәкчесе Данис Шакиров 4-6 март көннәрендә узачак XII Бөтенроссия татар авыллары эшмәкәрләре җыенына әзерлек кысаларында Кукмара муниципаль районына эш сәфәре белән барды. Биредә ул татар авылларының үсеше һәм авылларда алып барыла торган эшмәкәрлек белән танышты.

Бөтендөнья татар конгрессы Бөтенроссия татар авыллары эшмәкәрләре җыены делегатларын Кукмара муниципаль районына алып барырга планлаштырыла.