Ростов өлкәсенә эш сәфәре кысаларында Бөтендөнья татар конгрессы Башкарма комитеты җитәкчесе Данис Шакиров «Һәлак булган сугышчылар» мемориаль комплексы янындагы мәңгелек утка чәчәкләр салу тантанасында катнашты. Тантана Бөек Ватан сугышында үз гомерләрен биргән Ватанны саклаучылар истәлегенә багышланды. Һәлак булган солдатларны бер минут тынлык белән искә алдылар.