Бүген Бөтендөнья татар конгрессы Милли Шура рәисенең беренче урынбасары – Бөтендөнья татар конгрессы Башкарма комитеты җитәкчесе Данис Шакиров Мордовия Республикасына эшлекле сәфәр кыла. 13 гыйнварда биредә Идел буе Болгар дәүләтендә ислам динен кабул итүгә 1100 ел тулуга багышланган фәнни-гамәли конференция узачак. Фәнни җыелышны Мордовия Республикасының Татар бизнесменнары клубы оештыра.