Бөтендөнья татар конгрессы Башкарма комитеты җитәкчесе Данис Шакиров Түбән Новгородта эш сәфәрендә. Биредә ул Түбән Новгород өлкәсе татарларының төбәк милли-мәдәни автономиясе вәкилләре белән очрашты һәм оешманың эшчәнлеге белән танышты.

Бүгенге көндә Түбән Новгород өлкәсендә татар халкының 40 000нән артык вәкиле даими яши. Төбәктә ике тапкыр Федераль Сабантуй үткәрелде. Монда шулай ук 2023 елда Идел буе Сабан туе узачак.