Димитровград шәhәренең Г.Тукай исемендәге 22нче санлы мәктәбендә яңа пластик тәрәзәләр кую эшләре тәмамланып килә.
Татар этномәдәни компонентлы мәктәпнең уку-укыту кабинетларында тәрәзә конструкцияләренең күпчелек өлешен узган елда алмаштырган иделәр. Быел бу эшләрне ахырына җиткерү өчен Ульяновск өлкәсе бюджетыннан 350 мең сум акча бүлеп бирелгән, шулай ук шәhәр казнасыннан да өлеш чыгарганнар.
