Бүген сугышчыларыбыз СВО зонасында илебезнең бөтенлеген, мөстәкыйльлеген саклыйлар һәм яклыйлар, Россиянең яңа регионнарын дошманнан азат итәләр, Җиңү хакына еш кына газиз гомерләрен дә кызганмыйлар. Николаевка районы Әхмәтле авылының дәүләтебез язмышына битараф булмаган халкы да шушы изге эштән читтә калмый.

Әхмәтле халкы сугышчыларга, фронтка ярдәм кулы суза: гуманитар ярдәм җыеп озаталар, окоп шәмнәре һәм озак яна торган шырпылар ясыйлар. Авылның уңган хатын-кызлары бу юлы передовойдагы – алгы сызыктагы хәрби хезмәткәрләргә булышу максатында китапханә һәм авыл мәдәният йорты мөдирләре белән бергә маскировкалау челтәрләре үрергә булганнар. Бу эш әллә ни авыр булмаса да, четерекле һәм җаваплылык сорый, күңел җылыбызны биреп үргән челтәрләребез сугышчыларның гомерен сакласын һәм Җиңү көнен якынайтсын, ди Әхмәтле уңганнары.

Чыганак: emet73