24 июнь көнне Екатеринбургта Ural Music Night музыка фестивалендә Yummy Music биш сәгатьлек концерты булачак. Шулай ук кичәдә бәйсез татар сәхнәсенең 10 башкаручысын ишетеп һәм күреп булачак: Gauga, ОММАЖ, Juna, Urtic, Усал, K-Ru, qaynar, Shanu, Malsi Music һәм Ilgiz.
Ural Music Night – илнең иң масштаблы фестивальләренең берсе, ул бөтен Россиядән һәм чит илләрдән 2500дән артык музыкантны берләштерә. Фестивальдә музыка индустриясенең, төрле юнәлеш һәм жанрларның (классикадан алып этно-музыкага кадәр) вәкилләре катнаша.
